Bonte pietn .Vv 8ns
| Bonte piet IUCN-status: Veilig | ||||||||||||
|---|---|---|---|---|---|---|---|---|---|---|---|---|
 Bonte piet | ||||||||||||
| Taxonomische indeêlienge | ||||||||||||
| ||||||||||||
| Soôrt | ||||||||||||
| Haematopus ostralegus (Linnaeus, 1758) | ||||||||||||
De bonte piet (Haematopus ostralegus) is een veugel uut de femielje van de zeêlieven (Haematopodidae). De bonte piet kom voe in bieni ael Europa toet Centraol-Azië en overwinter zudelijk toet Afrika en India. De bonte piet kom vurral voe an de kuste, in riviermondiengen en slikveln. Ie is soms echter ok op heidehron'n en weilan'n te vin'n.
In'oud
- 1 Kenmerk'n
- 2 Hedrag
- 3 Eetn
- 4 Broeien
- 5 Roep
- 6 Externe lienk
Kenmerk'n[bewerk | brontekst bewerken]
Vanwehe zen contrastreêrnde en opvall'nde kleurn is de bonte piet 'n opvall'nde veugel, mè as eêssen val vaok zen roep op. De bonte piet wor 39 toet 44 cm, ei een zwartwit veêrnkleêd, een roôd oôhe, oôhrand, snaevel en poôten. In winterkleêd èn de adulte veugels een witt'n keêlband. Juveniele veugels èn bruunzwarte bovendeêl'n en 'n bleêkoranjen snaevel mie een zwarte punte. De onderdeêln zien wit.
Hedrag[bewerk | brontekst bewerken]
De bonte piet is 'n vreêt luudruchtihe veugel die a buten de broeitied vaok in hroôte hroep'n leef. In 't voejaer vurmen de mannelijke veugels baltshroep'n wibie aon de ventjes aldeur roep'nd voroverhebohen mie oop'n snaevel ni de hrond wiezend op mekaore toeloôp'n. In de rest van 't jaer leef de veugel sollitair. Sommihe veugels trokk'n, aore zien standveugels. In de broedtied leven ze in pèrn.
Eetn[bewerk | brontekst bewerken]
Bonte piet'n eetn aollerlei weekdiern, zoas zeêslekken, mossels, kokkels, wurmen mè ok krabb'n. Mie behulp van der snaevel opern ze de schelp'n. Bie 't foeraheern steekn ze der snaevel in de slik of aeln ze der proôie van de steên'n of rotsen of.
Broeien[bewerk | brontekst bewerken]
Bonte piet'n vurmen pèrtjes in de lente en de zeumer. Ze nesteln in een ondiep kuultje op de hrond; in weilan'n, op zand- of hrind-boôiem. In steed'n wor soms op platte daek'n ebroeid. Ze lèn 3 toet 4 eiers, die aon deur beie ouwers worn bebroeid. Ze broeien vurral in kusthebied'n, mè ok vadder in 't binn'nland en lanks riviern.
Roep[bewerk | brontekst bewerken]
De bonte piet roep 'n kort piek-piek of tepiet. Tiedens de balts op de hrond is 'n serie trill'nde toôn'n te oôrn die aon oploôp'n in snel'eid.
Externe lienk[bewerk | brontekst bewerken]
- Kaerte mie waernemiengen
