Пичи Пурга ёросLu. Rr1237WwJj y5oRiCn x8Ww l p b 067Z
| |||||
| |||||
| Центр | Пичи Пурга | ||||
| Улӥсьёс | |||||
| - ваньмыз | 33 661 | ||||
| - плотность | 27,5 адями/км² | ||||
| Территория | |||||
| - ваньмыз | 1 223 км² | ||||
Пичи Пурга ёрос — лымшор Удмуртиысь ёрос. Площадез — 1 223 2 км². Центрез — Пичи Пурга черкогурт.
Пичи Пурга ёрослэн гожъёсыз герӟасько Можга, Ува, Завьял, Сарапул но Кияса ёросъёсын. Ёрос пыр бызё таӵе шуръёс: Яган, Кечол, Огырчи, Лудӟи, Постолка, Оӵ, Бобинка.
Пичи Пурга ёрос кылдытэмын Валтӥсь исполнительной комитетлэн Президиумезлэн постановлениезъя 1929-тӥ арын 15-тӥ июле. Ёросэ пыртэмын вал 12 сельсоветъёс, ваньзэ-ӧвӧлзэ — 168 гурт. Туннэ нуналлы Пичи Пурга районэ пыре 80 гурт.
Ёрослэн тӧроез 2016-тӥ арысен — Колодкина Светлана Ивановна.
Пуштрос
- 1 Калыкез
- 2 Территориослы люкиськон
- 2.1 Муниципал кылдытэтъёс
- 2.2 Гуртъёс
- 3 Гурт удыс
- 4 Социальной удыс но культура
- 5 Транспорт
- 6 Валэктонъёс
- 7 Чӧлсконъёс
Калыкез[Тупатыны | вики-текстэз тупатыны]
Ёросын улӥсьёс пӧлысь тросэз (78,1 %) удмуртъёс, ӟучъёс — 17,8 %, бигеръёс — 2,4 %, поръёс — 0,5 %, мукет выжыысь калыкъёс — 1,2 %.
Ёросын улӥсез 33 сюрс 58 адями (2010-тӥ арын ортчем лыдъян-чотанъя).
Территориослы люкиськон[Тупатыны | вики-текстэз тупатыны]
Муниципал кылдытэтъёс[Тупатыны | вики-текстэз тупатыны]
Пичи Пурга ёрос люкиське 15 муниципал кылдытэтъёслы. Ваньзы луо гурт поселениос.
| № | Гурт поселение | Центрез | Улон интыосызлэн лыдзы |
Улӥсьёсыз[1] (2017) |
Площадез[2], км2 |
|---|---|---|---|---|---|
| 1 | Аксакшур гурт поселение | Аксакшур гурт | 4 | 1085 | 65,49 |
| 2 | Баграш-Бигра гурт поселение | Баграш-Бигра гурт | 6 | 1467 | 35,00 |
| 3 | Брангурт гурт поселение | Яган-Докъя черкогурт | 5 | 2407 | 159,50 |
| 4 | Вуж Мӧнья гурт поселение | Вуж Мӧнья гурт | 5 | 2043 | 58,13 |
| 5 | Иваново-Самарск гурт поселение | Улӥ Посьтол гурт | 2 | 900 | 40,78 |
| 6 | Ильинск гурт поселение | Уча черкогурт | 5 | 1721 | 54,88 |
| 7 | Кечол гурт поселение | Кечол черкогурт | 6 | 2309 | 115,92 |
| 8 | Норъя гурт поселение | Норъя черкогурт | 5 | 1456 | 93,99 |
| 9 | Пичи Пурга гурт поселение | Пичи Пурга черкогурт | 5 | 8516 | 51,21 |
| 10 | Посьтол гурт поселение | Миндэр гурт | 6 | 1800 | 131,00 |
| 11 | Пугачёво гурт поселение | Пугачёво черкогурт | 1 | 2759 | 40,83 |
| 12 | Улын Юри гурт поселение | Улын Юри гурт | 3 | 1572 | 97,78 |
| 13 | Уром гурт поселение | Уром черкогурт | 18 | 2888 | 172,14 |
| 14 | Эдэйгурт гурт поселение | Эдэйгурт | 5 | 1202 | 82,42 |
| 15 | Яган гурт поселение | Яган черкогурт | 3 | 1536 | 24,11 |
Гуртъёс[Тупатыны | вики-текстэз тупатыны]
Пичи Пурга ёросэ пыре 79 улон инты. Соос пӧлын 9 черкогурт, 63 гурт, 6 починка но 1 выселка.
Гурт удыс[Тупатыны | вики-текстэз тупатыны]
Пичи Пурга ёросын ӟеч азинске гурт удыс. 4 сюрс 438 мурт пудо вордонын, ю нянь будэтонын ушъямон тырше. Ю нянь одӥг гектарысь 24,1 центнер басьто. 30 мурт пусъемын «Удмурт Республикаысь гурт удысын дано ужась» нимен. Тужгес но азьмынӥсь гурт хозяйствоос: «1-тӥ Май», «Родина», «Молния», «Юж-Пурга», «Надежда».
Социальной удыс но культура[Тупатыны | вики-текстэз тупатыны]
Ёросын ужа 39 школа, пиналъёслы визь-нод сётэ 996 дышетӥсь: со пӧлысь 96 процентэз вылӥ образованиен. Пичи Пургаын 33 нылпи сад. Пичи Пурга калык кемалась данэ потэмын киужъёсыныз. Вуж Мӧнья гуртын ушъямон ужа Киужъёсъя юрт (кивалтӥсез Николай Тарасов). Отын дасям арбериос быдэс дуннее вӧлмизы ини. Пичипургаос туж ярато кырӟаны-вераны. Ёросын 32 пала культурая юрт. Дуннеысь пӧртэм кунъёсы вӧлмиз ини Пичи Пурга ёросысь кык ансамбльёслэн данзы: «Зарни шеп» (кивалтӥсез Феодосья Тубылова) но «Арганчи» (кивалтӥсез Екатерина Антонова). Нош «Брангуртысь песянайёс» паймытӥзы быдэс дуннеез: Пичи Пурга ёросысь Брангуртысь песянайёс пыриськизы «Евровидение-2012» ӵошатсконэ, потӥзы кыкетӥ интые. Пичи Пурга ёросын вордскемын 20-лэсь уно писательёс: Самсонов вынъёс, Анатолий Перевозчиков, Владимир Возняков, Любовь Тихонова но мукетъёсыз.
Транспорт[Тупатыны | вики-текстэз тупатыны]
Пичи Пурга ёрослы удалтӥз транспорт удыс ласянь: со пыр ортчо Кузон—Огырчи—Екатеринбург, Иж—Огырчи чугун сюресъёс, озьы ик Р320 (Иж—Можга—Алабго) федерал автомобиль сюрес.
Валэктонъёс[Тупатыны | вики-текстэз тупатыны]
- ↑ Численность населения Российской Федерации по муниципальным образованиям на 1 января 2017 года(ӟуч) Эскеремын 2017-07-31 аре
- ↑ Респулика Удмуртия. Общая площадь земель муниципального образования (ӟуч)
Чӧлсконъёс[Тупатыны | вики-текстэз тупатыны]
- Пичи Пурга ёрос Кун Кенешлэн сайтаз (ӟуч)
- Пичи Пурга ёросысь муниципальной образованиос (ӟуч)
- Удмуртиысь ёросъёс (ӟуч)
 |
|  | |
