Benjamin BěgaŕJj zd 9Aa vSsQqViOomhIFfpe50ALdks2рdtQqZG
Benjamin Běgaŕ nim. Benjamin Bieger (* 20. februara 1873 w Janšojcach, † 26. septembra 1945 w Wětošowje) - dolnoserbski faraŕ, spisowaśel a kulturny procowaŕ.
Benjamin Běgaŕ jo se w Janšojcach ako syn wucabnika naroźił. W Greifswalźe a Kielu jo študěrował teologiju. W lětach 1902-1910 wón jo był z diakonom w Picnju. W lětach 1910-1917 źěłał jo ako faraŕ w Krummendeichu, 1917-1929 w Hennestedśe w Schlezwig-Holsteinskej a 1929-41 we Wětošowje. We Wětošowje wón jo był slědny serbski faraŕ, kenž serbski jo powědał. Wót 1908 cłonk Maśicy Serbskeje.
Běgaŕ gromaźe ze Hajnom Rizom jo wudawał cerkwinski casopis Wósadnik (1905-1913). Wón jo był jaden z głownych organizatorow wjelikego "serbskego swěźenja z rozpokazowanim drastwow"[1] we Wětošowje w lěśe 1930. Toś ten swěźeń jo se k 50. wrośenicy załoženja dolnoserbskeje wótźělby Maśicy Serbskeje pśewjadł (1880).
W lěśe 1941 jo Benjamin Běgaŕ wótejšeł na wuměńk. Dnja 26. septembra 1945 jo wón wumrěł we Wětošowje. Tam na cerkwinskem kjarchobje jo teke jogo row[2].
Žrědła[wobźěłaś | žrědłowy tekst wobźěłaś]
- ↑ Historiske wobraze z derbstwa fararja Biegera, Nowy Casnik, 09.08.2011
- ↑ Běgaŕ, Nowy a druge deje byś cesćone, Nowy Casnik, 28.02.2012
Literatura[wobźěłaś | žrědłowy tekst wobźěłaś]
- Gerat Hančka: Běgaŕ, Benjamin, [w:] Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow, Budyšyn 1984, b. 47.