Цёфкс Sst tZzd0
| Цёфкс | |
 | |
 Цёфкс Википърдафксса |
Цёфкс (сире мокшекс Сонкс, рузкс Соловей-Разбойник) — XII сядокизонь айнемань мокшень оцязорсь, кунардонь мокшень морастонь инялясь, конась лятфневсь рузонь эди германонь сире сёрмадомаснон кода "Соловей-Разбойниксь"[1][2].
Муромстонь Илиять мархта тюремать меле сявфоль Киеву ди тоса кулофтфоль.
Лопань потмоц
- 1 Тонафнемась
- 2 Лемоц
- 3 Лятфтамат
- 4 Кяльвалсь
- 5 Ушеширень кучфтемат
Тонафнемась[петнемс | править код]
Рузонь XVII—XVIII сядокизонь кядьсёрмадома кярькснень, Даниловонь Киршать, П. Киреевскить, П Рыбниковть, А. Гильфердингть кочкамаснон сявомок 1960—70 кизот экспедиятненди пуропнефоль 100 лама азксть вариантонза. Кяльвалонь кепотькссь — XVII сядокизонь «Гистория о славном и о храбром и сильном богатыре Илье Муромце сыне Ивановиче и о Соловье — разбойнике (Азондома шнама, отькорь эди вии батор Муромонь Илиять эди ойдяй Цёфксть колга)».
Мельниковть (Андрей Печерскить) «Очерки мордвы (Мордвиттнень колга нюрьхкяня азкст)» лятфневсь кунара азкста колма оцюнят: мунзай Шякшата, ойдяй Пъсьмар эди Цёфкс ойдяй. Цёфксть кувалма Мельниковсь сёрмадсь «сон ся Цёфкссь конанди мярьгсть Соловей рузонь мораса Илия баторонь колга».
Лемоц[петнемс | править код]
Сембе сире текстова няеви кода васенда Цёфксонь стирьсна ди меле Киевань ширязсь Илияти мярьгсть «велеряй ломань», «юромфтома» интай Цёфксти мярьгсть «азор» кода сетень аляти эряволь. Иля мораса Цёфксти мярьгсть «Одихмантинь цёрац», «Дихмантинь цёрац», «Рохматонь цёрац», «Ахматонь» эли «Рахманонь цёрац» мезе няфни сонь алянц лангс, шятьта сире германонь Один шкайти эли славянонь шкай Одинецти кода арьсихть тонафнефне. Академик Ягичень арьсеманзон коряс алянц лемоц лиссь кунардонь «рахман нармунь» мяльёжеста мезе эряви шарьхкодемс кода ломанень эди нармонень айнема вийсь.
А. Асов арьси Смородина ляйсь кона лятфневсь айнемать эса эряви шарьхкодемс кода Равань шудикс Ока ляй эли Моску. "Пантеон Российских государей (Рузмасторонь кирдихнень шнама карксамасна)" кядьсёрматксса Моску ляйти мярьгсть Смородина кува азондовсь Олег ширязть колга кона сашендсь «Самородинка ваксс Моску ошть ладямс». Моску ошть ушедоманц колга азксса сявфоль «Дорофейть Хронографста» азондозь Цёфксть ойдяй колга «конась маштсь арамс нармонькс».
Лятфтамат[петнемс | править код]
- ↑ Jagič U., Die christlich-mythologische Schicht in der russischen Volksepik/Archiv für Slavische Philologie, Berlin, 1875
- ↑ Миллер В. Экскурсы в область русского народного эпоса, Моску, 1892
Кяльвалсь[петнемс | править код]
- Гистория о Илье Муромце и о Соловъе разбоинике. Печатлаф ГИМ сёрматксть коряс, Барсов 1592. XVIII сядокизонь омбоце пакш. Васенце печатлаф: Соколов, Этнография, 1927, N 1
- Миллер Ф. Очерки русской народной словесности, Моску, 1897
- Буслаев Ф. Критические заметки на книгу Ор. Миллера/Журнал Министерства Народного Просвещения, пакш CLIX. А. Б.
- Наука и религия, №9, 1998
- Мельников П.И. Очерки мордвы. Саранош, 1981
Ушеширень кучфтемат[петнемс | править код]
- Ангинень Валда "Цёфкссь мокшень-эрзянь калконь инялясель"
|
Тя апак шумордак сёрматфкссь. Ули мяльце сонь петнеманза ди поладоманза? Лезтт! |