- كلمات: احمد رامى
- الحان: رياض السنباطى
- غنا: ام كلثوم
- انتاج: 1961
الاغنية[تعديل]
- الاغنية دي هى حلقة فى سلسلة طويلة من الاغاني اللى قدمها الثلاثي رامي-السنباطي-ام كلثوم لأكتر من عشرين سنة، و هى تقريباً اول اغنية تغنيها ام كلثوم من ألحان السنباطي بعد خلاف قصير معاه سنة 1960
- من الحاجات اللى بتميز الاغنية دي هى القفلة بتاعتها و اللى هى الجملة اللى بتتكرر فى نهاية كل مقطع من مقاطع الاغنية، و اتلحنت بأسلوب ماتكررش كتير فى الاغاني العربية، بمعنى ان الاغاني العربية بتعتمد على ان الجمل اللى بتتغنى بتتعاد بشكل فيه تطويل، بس فى الاغنية دي بتبتدي اما كلثوم القفلة بجملة (عادةً بتعيدها مرتين):
بدي اشكيلك من نار حبي..بدي احكيلك ع اللى ف قلبي
و بعدين تغني بيتين ورا بعض من غير إعادة و تقول:
وأقولّك ع اللى سهرني...وأقولّك ع اللى بكاني
وأصور لك ضنا روحي...وعزة نفسي منعاني
و يوصل اللحن و معاه غنا ام كلثوم للذروة فى الجزء الأخراني اللى بيقول "و عزة نفسي مانعاني" اللى بيستحسنه الجمهور
- بس طبعاً فى ألحان و كلمات حلوة غير دول فى نفس الاغنية، منها مثلاً:
وده خيـال بين الأجفـان... فضل معايا الليل كله
سهرني بين فكري وأشجان..وفات لي جوه العين ظله
كلمات الاغنية[تعديل]
حيرت قلبي معاك
حيرت قلبي معاك وأنا بداري واخبي
قل لي أعمل إيه وياك ولا أعمل إيه ويا قلبي
بدي اشكي لك من نار حبي بدي احكي لك ع اللى فى قلبي
وأقولك ع اللى سهرني وأقولك ع اللى بكاني
وأصور لك ضنى روحي وعزة نفسي منعاني
يا قاسي بص فى عيني وشوف إيه أنكتب فيها
دي نظرة شوق وحنيه ودي دمعة بداريها
وده خيال بيين الأجفان فضل معاي الليل كله
سهرني بين فكر وأشجان وفات لي جوه العين ظله
وبين شوقي وحرماني وحيرتي ويا كتماني
بدي اشكي لك من نار حبي
بدي احكي لك ع اللى فى قلبي
وأقول لك على اللى سهرني وأقول لك ع اللى بكاني
وصور لك ضنى روحي وعزة نفسي منعاني
ياما ليالي أنا وخيالي ، افضل أصبر روحي بكلمة يوم قلتها لي
وبات أفكر فى اللى جرى لك واللي جرى لي
وأقول ماشافشي الحيرة على لما با سلم
ولاشافش يوم الشوق فى عيني راح يتكلم
وارجع أسامحك تاني واحن لك والقاني
بدي اشكي لك من نار حبي
بدي احكي لك ع اللى فى قلبي
وأقول لك ع اللى سهرني وأقول لك ع اللى بكاني
وأصور لك ضنى روحي وعزة نفسي ما نعاني
خاصمتك بيني وبين روحي وصالحتك وخاصمتك تاني
وأقول أ بعد يصعب علي روحي تطاوعني ليزيد حرماني
ح افضل أحبك من غير ما أقولكإيه اللى حير افكاري
لحد قلبك ما يوم يدلك على هواي المداري
ولما يرحمني قلبك ويبان لعيني هواك
وتني ع اللى انشغل بك وروحي تسمع نداك
بدي اشكي لك من نار حبي
بدي احكي لك ع اللى فى قلبي
وأقول ع اللى سهرني وأقول لك ع اللى بكاني
وأقول يا قلبي ليه تخبي وليه يا نفس منعاني ... حسنى محمد ...
شوف كمان[تعديل]
ليستة اغانى ام كلثوم
الصفحه دى فيها تقاوى مقاله. و انت ممكن تساعد ويكيپيديا مصرى علشان
تكبرها. 