پاکستان پنجابی ادبی بورڈiaa
پاکستان پنجابی ادبی بورڈ' پاکستان وچ پنجابی بولی دی ترقی لئی بنایا گیا اک ادارہ اے ۔
پاکستان پنجابی ادبی بورڈ ۱۹۷۵ وچ پنجابی شاعراں، ادیباں تے سوجھواناں نے پنجابی زبان تے ادب دے ودھاؤ لئی بنایا۔ ایہنوں بنان پچھے ایہ سوچ سی کہ پنجابیاں دا اپنا اک ادارہ ہووے جیہڑا کلاسیکی پنجابی ادب، پنجاب دی تواریخ، تے پنجابی زبان دی ڈکشنری لئی کھوج کاری تے اوہناں نوں چھاپن دا آہر کرے۔
حصے
- 1 قیام
- 2 اغراض و مقاصد
- 3 بورڈ دا ڈھانچہ
- 4 کم کار
- 5 مہینہ وار پنجابی پرچہ
- 6 ہورویکھو
- 7 حوالے
- 8 باہرلےجوڑ
قیام[لکھو]
۳۰ مئی ۱۹۷۵ دی اک شام نوں پنجاب بھر دے معروف ادیباں، شاعراں، تے دانشوراں دا اِک اکٹھ ہوہا۔ جیہدے وچ پاکستان پنجابی ادبی بورڈ دا قیام عمل وچ لیایا گیا۔ ایس پہلے اجلاس وچ بورڈ دا دستور منظور کیتا گیا۔ ایہ وی فیصلہ کیتا گیا کہ ایہدے وچ وادھا گھاٹا بورڈ دے جنرل باڈی دے اجلاس وچ ہی ہو سکے گا۔
اغراض و مقاصد[لکھو]
- ۱۔ پنجابی زبان تے ادب دی ترقی تے وادھے لئی ہر ممکن کوشش کرنا
- ۲۔ کلاسیکی ادب دی اشاعت
- ۳۔ دوجیاں زباناں دے معیاری ادب دا پنجابی زبان وچ ترجمہ
- ۴۔ پنجابی ڈکشنری دی چھپائی
- ۵۔ پنجاب دی تریخ نوں سودھنا تے اوہدے اُتے کتاباں لکھوانا
- ٦۔ پنجاب دے بزرگ صوفی شاعراں دے پیغام تے تعلیمات نوں عام کرنا تے اوہناں دے دن مناونا
بورڈ دا ڈھانچہ[لکھو]
بورڈ دے ۱۱ پکے ممبر نیں۔ ایہدے توں وکھ بورڈ دے ہر دو ورھے مڑ چون ہندے نیں جنہاں وچ ۲۱ نویں ممبر چنے جاندے نیں۔
کم کار[لکھو]
بورڈ نوں بنے ہن 43 سال ہو گئے نیں تے ایہناں اٹھتیاں سالاں چہ بورڈ نے ۲۰۰ توں ودھ کتاباں چھاپیاں نیں۔ ایہناں توں وکھ بورڈ ہر مہینے اک ادبی پرچہ وی کڈھدا اے تے پنجابی زبان نوں اوھدا حق دلان لئی ہور وی کارے کردا رہندا اے ۔
مہینہ وار پنجابی پرچہ[لکھو]
مہینہ وار “پنجابی ادب” پاکستان پنجابی ادبی بورڈ دا علمی، ادبی، تے ثقافتی پرچہ اے جیہڑہ ہر مہینے چھپدا اے۔