رواج الميسار23sy LNaa C1Dy Hx ku bola w totoc S
اهل سنت جو رواج الميسار يا مطعه جي باري ۾ فقه جعفريه جي فتوا سان اختلاف رهندو پئي آيو آهي. پر سعودي عرب جي شهر مڪي شريف ۾ اسلامي فقه اڪيڊميءَ پنهنجي ارڙهين اجلاس ۾ هڪ تمام اهم فتوا جاري ڪئي آهي. اها فتوا ڏيڻ کان پهرين اسلامي فقه اڪيڊميءَ جي عالمن، نه رڳو ان موضوع تي اسلامي مفڪرن جي لکيل هزارين ڪتابن، روايتن، حديثن ۽ قران پاڪ جي ڪيترين ئي آيتن جو جائزو پڻ ورتو. اسلامي فقه اڪيڊمي اصل ۾ رابطه عالم اسلامي تحت هڪ پاڻمرادو يا خودمختيار اسلامي علمي ادارو آهي، جيڪو فقه ۾ مسلم اُمت جي چونڊيل عالمن جو ڪَٺ آهي، ان جي ارڙهين اجلاس ۾ سٺ عالمن شرڪت ڪئي. فتوا طلاق سان لاڳاپيل شادي، عارضي شادي، ڳُجھو وهانءُ (ڳُجھي شادي) روايتي وهانءُ، فرينڊ شپ شادي، سول ميرج ۽ تجرباتي وهانءَ (تجرباتي شاديءَ) جي باري ۾ آهي، جنهن ۾ رواج الميسار تحت اهڙن وهانئن (شادين) جي اجازت ڏني وئي آهي.
فتوا جاري ڪندڙ ڪندڙ عالمن موجب رواج الميسار سان نه رڳو معمر ڪنوارپڻي جو خاتمو ايندو، پر ان سان سيٽلائيٽ چئنلن طرفان پکيڙيل فحاشي ۽ ان جي محرڪ طور پيدا ٿيل اخلافي انحراف، نافرماني يا بي چيائيءَ کي به جھل ايندي.
فتوا جاري ڪندڙ عالمن موجب حلال شادين ۾ سولائي پيدا ڪرڻ سان نوجوان مسلمان مرد ۽ مايون غلط راھ تي وڃڻ کان پڻ بچي وينديون. فتوا موجب، سڄي دنيا ۽ انسانيت لاءِ اسلام ئي انسانيت جو فڪري اثاثو يا طرز حيات آهي. جيڪو فطري گھرجن آهر هڪ انصاف ڀريئي توازن سان نه رڳو مرد ۽ مائي (عورت) کي برابريءَ جا حق ڏئي ٿو، پر ڪيترن ئي لاڳاپن، تعلقاتن ۽ معاملن ۾ نارين کي وڌيڪ پُروقار اختيارن سان گڏوگڏ عزت به ڏي ٿو. پر ان جي اُبتڙ ڪجھ خاص علاقائي ثقافتن ۽ ڪجھ قبيلائي روايتن کي هروڀرو اسلام جي روپ ۾ پيش ڪري، اسلام جي اصل روح کي هاڃو پھچايو ويو آهي.[1] [2] [3] [4] [1]
حوالا[سنواريو]
- ↑ سعودي عرب جي شهر مڪي شريف ۾ اسلامي فقه اڪيڊميءَ je ارڙهين اجلاس ۾ ڏنل فتوا
- ↑ https://archive.islamonline.net/?p=1318
- ↑ http://www.oxfordbibliographies.com/view/document/obo-9780195390155/obo-9780195390155-0055.xml?rskey=0mBLTN&result=77&q=
- ↑ https://books.google.ca/books?id=n4Eye4ilLVkC&pg=PA50&dq=Mutah&hl=en&sa=X&ei=l0VdUeCnM4ajiAfXnoCgCQ&redir_esc=y#v=onepage&q=Mutah&f=false